Governor’s Weekend Report – June 12 to 16, 2016
by: Provincial Information Center
Hunyo 12, 2016
Independensiya, Gisaulog
Gidagsang sa nagkadaiyang sector sa katilingban ang tulomanon sa ika 118 nga selebrasyon sa nasudnong kaugalignan nga gipahigayon atubangan sa Surigao City Hall.
Namolong si BM Sim Castrence isip pagrepresentar kang Cong. Lalo Matugas diin giawhag niya ang tanan nga magkahiusa human an malamposon nga bugnong lugaynon ug eskutinyo sa 2016. Sumala niya, kinahanglan ‘mag move on’ ang tanan aron makab-ot ang malungtaron nga pakigdait, pagsinabtanay ug panaghiusa. Dugang pa niya, suportado sa kagamhanan ang administrasyon ni Pres. Rodrigo Duterte, pinaka una nga presidente sa kasaysayan nan Pilipinas na gikan sa Mindanao. Tungod kay naka angkon man si Duterte sa dakung kadaugan diri sa Surigao del Norte ug sa tibuok Pilipinas nga mokabat sa kapin 16 milyones ka botos, walay laing mahimo sa katawhan kundi paluyuhan ang mga marajaw na mga programa sa bag-o nga administrasyon.
Matud pa ni BM Castrence, na ang tinuod na kabayanihon maipakita lamang kon an kada isa magpabilin nga ligdong ug makugi sa pagbuhat sa kaugalingon nga responsibilidad sa matag komunidad nga iyang ginsakupan. Importante matud pa niya ang kooperasyon aron magmalamboon ang tibuok probinsya.
Sa mensahe ni Gobernador Sol Matugas nga gipadangat ni Vice Gov. Junjun Egay, iya usab gihatagan nan importansya ang pagtinabangay aron makab-ot ang katumanan sa mga damgo ug pangandoy sa Bag-ong Surigao. Sumala niya, ang matag isa ka kontribusyon dako nga kahimuan aron magmabungahon ang mga tulomanon, lakang, inisyatiba ug kalihokan sa tibuok probinsya. An matag isa, sumala pa niya, importante sa iyang administrasyon. Dugang pa sa bise gobernador, ang kabayanihon sa usa ka tawo dili lamang maglangkob sa pagdedekar sa kinabuhi aron mahimong gawasnon ang nasod gikan sa mga langyaw nga mga konkestador, ang kabayanihon usab mamahimo pinaagi sa ginagmay nga mga halad sa pagkamatarong sama sa matinud-anon nga pagsunod sa balaud, ug pagtabang sa isigkatawo. Iya isab gidayeg ang tanan tungod sa demokratiko nga pagpadayag sa katungod sa husto nga pagboto sa nilabay nga eleksyon diin nitumaw ang hingpit nga kagawasan kon freedom of choice. (John Glenn A. Platil)
Hunyo 13, 2016
BM Garcia, gisaysay ang iyang biyahe sa Korea
Makahuluganon ang Monday Morning Sharing kon MMS nga gipahigayon sa Provincial Convention Center nga gidumala sa DILG. Namolong sila BM Melva Garcia ug Senior BM Mamerto Galanida.
Sa mensahe nga giluwatan ni BM Garcia, iyang gipasalamatan ang tanan nga nipili kaniya isip bokal sa ikaduhang distrito sa ato probinsya. Kini nagpakita sa dakong pagsalig sa katawhan sa iyang katakus ug kabahin sa demokratiko nga katungod ang piniliay sumala pa niya.
Gi-esplekar usab ni BM Garcia ang kahinungdanon sa demokrasya nga angay gajud tagaan nan igong pagtagad nan mga Surigaonon. Iyang gisaysay ang kasinatian nan ato nasud ilalum sa diktadurya niadtong 1970s ug 1980s diin napailayum ang Pilipinas sa martial law ni Presidente Ferdinand Marcos. Sumala ni BM Garcia, kinahanglan magmabinanatayon ang katawhan aron dili na mausab ang mapait nga eksperyensya diin gitamaktamakan ang tawhanong katungod ug nawad-an sa kagawasan ang Pilipino.
Gipaambit usab ni BM Garcia ang iyang byahe sa South Korea sa pakig-alayon sa Rotary International. Sa maong lakaw, na-obserbahan ni BM Garcia ang kaanyag ug kahinlo sa Korea diin walay ligtim sa natad ug haruhay ang kinabuhi sa mga Koreano nga ni-estar sa higante nga mga condominium units. Sa iyang pagsaysay, giklaro niya nga wala siyay nakita nga malisuron nga kahimtang sa nasampit nga nasud luyo sa hulga sa bomba nukleyar gikan sa North Korea nga karon gidominar ni Kim Jong-Un. Daku nga katalagman sumala pa niya ang mahitabo dili lamang sa South Korea, kondili sa mga hadool nga mga kanasuran sa kontinente nan Asya, sama sa Pilipinas kung iboot nan North Korea na magpalupad nan bomba nukleyar, sama sa nahitabo sa Nagasaki ug Hiroshima. Matud pa niya, walay nasayud kung unsa ang nagduwa sulod sa hunahuna ni Kim-Jong Un mao nga kinahanglan ang atong mga pag-ampo ug pangandam.
Hunyo 13, 2016
BM Galanida, miesplekar sa kahulugan nan kaugalignan
Sa mensahe ni BM Galanida, iya isab giisa isa ang panlimbasog sa Pilipinas aron matagamtaman ang kaugalignan ilabi na niadtong panahon sa mga Kachila diin tungod sa mga aristokrata ug ilustrado nga nidapig sa mga Kachila, dakung hagit sa Katipunan nga gipangunahan nila Andres Bonifacio ug Emilio Aguinaldo ang pakigbisog alang sa kagawasan. Sumala ni BM Galanida, dako gayud ang gikatampo ni Jose Rizal sa independence day. Iya usab gisugilon nga ang unang bandera sa Pilipinas, gawas sa Cavite, diri sa pulo sa Mindanao giisa - sa Surigao City; samtang kabahin usab sila Prudencio, Simon ug Wenceslao Gonzales sa kasaysayan isip mga bayani sa Pilipinas – ang mga bantugan nga lideres nga gihimugso sa atong probinsya, nagagikan sa lungsod Gigaquit. Ang bunga sa independensiya mao ang demokrasya pero matud pa ni BM Galanida, ang sobra nga demokrasya manganak ug anarkiya.
Sumala ni BM Galanida, kinahanglan magkahiusa ang mga Surigaonon sa liderato ni Gov. Sol Matugas aron makab-ot ang kalamboan ug kalinaw. Welcome development usab kaniya ang bag-o nga administrasyon ni Pres. Rodrigo Duterte, anak nan Mindanao tungod kay nagkinahanglan an Pilipinas nan disiplina aron maundang an kagubot ug abuso. Uyon usab siya sa pederalismo aron an mga karajawan dili lamang nakasentro sa Manila kundi husto gayud ang mga panalangin nga makab-ot nan probinsya, ug dili magkulang.
Hunyo 13, 2016
Surigao del Norte, napiling pilot center nan European Union
Surigao del Norte, bugtong probinsya nga napili nga pilot center sa tibuok Pilipinas nan European Union sa natad sa Public Financia Management sa tanan mga local government units (LGU). Ang nasampit nga programa gipaandar sa Regional Inter-agency Team (RIAT) nga naglangkob sa upat ka mga nasudnong departamento: DILG, BLGF, NEDA and DBM.
Kalatid niini mao ang duha ka adlaw nga bansay bansay sa Philippine Gateway Hotel Surigao gikan Hunyo 13 ug 14 nga gitambungan sa mga hepe sa nagkadaiyang buhatan ug mga pangksyunaryo pinanguluhan nila Provincial Treasurer Gay Gotiangco, Provl Engr. Alwyn Pono, Provl. Budget Officer Myrla Padayhag ug Provl Internal Auditor Jocelyn Danaque.
Tinguha sa maong hugpong ang mas epektibo nga mga pagproseso sa mga transaksyones ug pagdebuho sa mga Annual Investment plan, PDP, PDFP, ug uban pa sa tibuok lalawigan tungod kay ang atong probinsya 100% ang compliance niini sa transparency, accountability ug full disclosure policy ugsa bag-uhay pa lamang nga gipasidunggan ang lalawigan sa Seal of Good Local Governance.
Hunyo 14, 2016
Nasudnon nga Hugpong sa DepEd employees gipahigayon sa probinsya
Naangkon na usab sa atong probinsya ang nasudnong himaya isip host sa panaghugpong sa National Employees’ Union sa Department of Education kon DepEd. Sa pamolong ni Governor Sol Matugas, iyang gipadayag ang kadool sa DepEd sa iyang kasingkasing diin siya nagserbisyo sulod sa 43 ka tuig. Iya usab giesplekar ang mga reporma nga gitinguha ni Pres. Duterte sama sa pagwagtang sa lakbay-aral ug mga programa diin siya nagsuportar. Iya usab gisaysay ang iyang kasinatian diin nahidangat sa Kapitolyo si Pres. Duterte kalabot na sa kagawasan sa mga bihag nga tinugyanan sa balaud. Nalipay ang bagang doot sa katawhan samtang gikataho sa Gobernador ang estilo sa pag-estorya ni Duterte ug ang pagtandi niini sa istilo usab ni mayor Jaime Rusillon, ang giila nga Rody Duterte of Siargao.
Hunyo 16, 2016
Agri-Pinoy Trading Center, gibuksan sa Siargao
Malampuson ang pagbendisyon ug pag-abre sa Agri-Pinoy Trading Center nga nagkantidad sa 20Milyones ka pesos. Kini us aka higante nga proyekto nan Dept.of Agriculture kaalayon ang probinsya alang sa mga matinud-anon nga lumulopyo sa Siargao. Ang Cold Storage Facility halad usab sa mahigugmaon nga Gobernador kaalayon ang Winrock International. Si Gov. Sol Matugas mismo ang nanguna sa makasaysayanong tulomanon sa Brgy.13, sa lungsod sa Dapa kauban ang mga opisyales sa lalawigan ug mga nasudnong lideres.
by: Provincial Information Center
Hunyo 12, 2016
Independensiya, Gisaulog
Gidagsang sa nagkadaiyang sector sa katilingban ang tulomanon sa ika 118 nga selebrasyon sa nasudnong kaugalignan nga gipahigayon atubangan sa Surigao City Hall.
Namolong si BM Sim Castrence isip pagrepresentar kang Cong. Lalo Matugas diin giawhag niya ang tanan nga magkahiusa human an malamposon nga bugnong lugaynon ug eskutinyo sa 2016. Sumala niya, kinahanglan ‘mag move on’ ang tanan aron makab-ot ang malungtaron nga pakigdait, pagsinabtanay ug panaghiusa. Dugang pa niya, suportado sa kagamhanan ang administrasyon ni Pres. Rodrigo Duterte, pinaka una nga presidente sa kasaysayan nan Pilipinas na gikan sa Mindanao. Tungod kay naka angkon man si Duterte sa dakung kadaugan diri sa Surigao del Norte ug sa tibuok Pilipinas nga mokabat sa kapin 16 milyones ka botos, walay laing mahimo sa katawhan kundi paluyuhan ang mga marajaw na mga programa sa bag-o nga administrasyon.
Matud pa ni BM Castrence, na ang tinuod na kabayanihon maipakita lamang kon an kada isa magpabilin nga ligdong ug makugi sa pagbuhat sa kaugalingon nga responsibilidad sa matag komunidad nga iyang ginsakupan. Importante matud pa niya ang kooperasyon aron magmalamboon ang tibuok probinsya.
Sa mensahe ni Gobernador Sol Matugas nga gipadangat ni Vice Gov. Junjun Egay, iya usab gihatagan nan importansya ang pagtinabangay aron makab-ot ang katumanan sa mga damgo ug pangandoy sa Bag-ong Surigao. Sumala niya, ang matag isa ka kontribusyon dako nga kahimuan aron magmabungahon ang mga tulomanon, lakang, inisyatiba ug kalihokan sa tibuok probinsya. An matag isa, sumala pa niya, importante sa iyang administrasyon. Dugang pa sa bise gobernador, ang kabayanihon sa usa ka tawo dili lamang maglangkob sa pagdedekar sa kinabuhi aron mahimong gawasnon ang nasod gikan sa mga langyaw nga mga konkestador, ang kabayanihon usab mamahimo pinaagi sa ginagmay nga mga halad sa pagkamatarong sama sa matinud-anon nga pagsunod sa balaud, ug pagtabang sa isigkatawo. Iya isab gidayeg ang tanan tungod sa demokratiko nga pagpadayag sa katungod sa husto nga pagboto sa nilabay nga eleksyon diin nitumaw ang hingpit nga kagawasan kon freedom of choice. (John Glenn A. Platil)
Hunyo 13, 2016
BM Garcia, gisaysay ang iyang biyahe sa Korea
Makahuluganon ang Monday Morning Sharing kon MMS nga gipahigayon sa Provincial Convention Center nga gidumala sa DILG. Namolong sila BM Melva Garcia ug Senior BM Mamerto Galanida.
Sa mensahe nga giluwatan ni BM Garcia, iyang gipasalamatan ang tanan nga nipili kaniya isip bokal sa ikaduhang distrito sa ato probinsya. Kini nagpakita sa dakong pagsalig sa katawhan sa iyang katakus ug kabahin sa demokratiko nga katungod ang piniliay sumala pa niya.
Gi-esplekar usab ni BM Garcia ang kahinungdanon sa demokrasya nga angay gajud tagaan nan igong pagtagad nan mga Surigaonon. Iyang gisaysay ang kasinatian nan ato nasud ilalum sa diktadurya niadtong 1970s ug 1980s diin napailayum ang Pilipinas sa martial law ni Presidente Ferdinand Marcos. Sumala ni BM Garcia, kinahanglan magmabinanatayon ang katawhan aron dili na mausab ang mapait nga eksperyensya diin gitamaktamakan ang tawhanong katungod ug nawad-an sa kagawasan ang Pilipino.
Gipaambit usab ni BM Garcia ang iyang byahe sa South Korea sa pakig-alayon sa Rotary International. Sa maong lakaw, na-obserbahan ni BM Garcia ang kaanyag ug kahinlo sa Korea diin walay ligtim sa natad ug haruhay ang kinabuhi sa mga Koreano nga ni-estar sa higante nga mga condominium units. Sa iyang pagsaysay, giklaro niya nga wala siyay nakita nga malisuron nga kahimtang sa nasampit nga nasud luyo sa hulga sa bomba nukleyar gikan sa North Korea nga karon gidominar ni Kim Jong-Un. Daku nga katalagman sumala pa niya ang mahitabo dili lamang sa South Korea, kondili sa mga hadool nga mga kanasuran sa kontinente nan Asya, sama sa Pilipinas kung iboot nan North Korea na magpalupad nan bomba nukleyar, sama sa nahitabo sa Nagasaki ug Hiroshima. Matud pa niya, walay nasayud kung unsa ang nagduwa sulod sa hunahuna ni Kim-Jong Un mao nga kinahanglan ang atong mga pag-ampo ug pangandam.
Hunyo 13, 2016
BM Galanida, miesplekar sa kahulugan nan kaugalignan
Sa mensahe ni BM Galanida, iya isab giisa isa ang panlimbasog sa Pilipinas aron matagamtaman ang kaugalignan ilabi na niadtong panahon sa mga Kachila diin tungod sa mga aristokrata ug ilustrado nga nidapig sa mga Kachila, dakung hagit sa Katipunan nga gipangunahan nila Andres Bonifacio ug Emilio Aguinaldo ang pakigbisog alang sa kagawasan. Sumala ni BM Galanida, dako gayud ang gikatampo ni Jose Rizal sa independence day. Iya usab gisugilon nga ang unang bandera sa Pilipinas, gawas sa Cavite, diri sa pulo sa Mindanao giisa - sa Surigao City; samtang kabahin usab sila Prudencio, Simon ug Wenceslao Gonzales sa kasaysayan isip mga bayani sa Pilipinas – ang mga bantugan nga lideres nga gihimugso sa atong probinsya, nagagikan sa lungsod Gigaquit. Ang bunga sa independensiya mao ang demokrasya pero matud pa ni BM Galanida, ang sobra nga demokrasya manganak ug anarkiya.
Sumala ni BM Galanida, kinahanglan magkahiusa ang mga Surigaonon sa liderato ni Gov. Sol Matugas aron makab-ot ang kalamboan ug kalinaw. Welcome development usab kaniya ang bag-o nga administrasyon ni Pres. Rodrigo Duterte, anak nan Mindanao tungod kay nagkinahanglan an Pilipinas nan disiplina aron maundang an kagubot ug abuso. Uyon usab siya sa pederalismo aron an mga karajawan dili lamang nakasentro sa Manila kundi husto gayud ang mga panalangin nga makab-ot nan probinsya, ug dili magkulang.
Hunyo 13, 2016
Surigao del Norte, napiling pilot center nan European Union
Surigao del Norte, bugtong probinsya nga napili nga pilot center sa tibuok Pilipinas nan European Union sa natad sa Public Financia Management sa tanan mga local government units (LGU). Ang nasampit nga programa gipaandar sa Regional Inter-agency Team (RIAT) nga naglangkob sa upat ka mga nasudnong departamento: DILG, BLGF, NEDA and DBM.
Kalatid niini mao ang duha ka adlaw nga bansay bansay sa Philippine Gateway Hotel Surigao gikan Hunyo 13 ug 14 nga gitambungan sa mga hepe sa nagkadaiyang buhatan ug mga pangksyunaryo pinanguluhan nila Provincial Treasurer Gay Gotiangco, Provl Engr. Alwyn Pono, Provl. Budget Officer Myrla Padayhag ug Provl Internal Auditor Jocelyn Danaque.
Tinguha sa maong hugpong ang mas epektibo nga mga pagproseso sa mga transaksyones ug pagdebuho sa mga Annual Investment plan, PDP, PDFP, ug uban pa sa tibuok lalawigan tungod kay ang atong probinsya 100% ang compliance niini sa transparency, accountability ug full disclosure policy ugsa bag-uhay pa lamang nga gipasidunggan ang lalawigan sa Seal of Good Local Governance.
Hunyo 14, 2016
Nasudnon nga Hugpong sa DepEd employees gipahigayon sa probinsya
Naangkon na usab sa atong probinsya ang nasudnong himaya isip host sa panaghugpong sa National Employees’ Union sa Department of Education kon DepEd. Sa pamolong ni Governor Sol Matugas, iyang gipadayag ang kadool sa DepEd sa iyang kasingkasing diin siya nagserbisyo sulod sa 43 ka tuig. Iya usab giesplekar ang mga reporma nga gitinguha ni Pres. Duterte sama sa pagwagtang sa lakbay-aral ug mga programa diin siya nagsuportar. Iya usab gisaysay ang iyang kasinatian diin nahidangat sa Kapitolyo si Pres. Duterte kalabot na sa kagawasan sa mga bihag nga tinugyanan sa balaud. Nalipay ang bagang doot sa katawhan samtang gikataho sa Gobernador ang estilo sa pag-estorya ni Duterte ug ang pagtandi niini sa istilo usab ni mayor Jaime Rusillon, ang giila nga Rody Duterte of Siargao.
Hunyo 16, 2016
Agri-Pinoy Trading Center, gibuksan sa Siargao
Malampuson ang pagbendisyon ug pag-abre sa Agri-Pinoy Trading Center nga nagkantidad sa 20Milyones ka pesos. Kini us aka higante nga proyekto nan Dept.of Agriculture kaalayon ang probinsya alang sa mga matinud-anon nga lumulopyo sa Siargao. Ang Cold Storage Facility halad usab sa mahigugmaon nga Gobernador kaalayon ang Winrock International. Si Gov. Sol Matugas mismo ang nanguna sa makasaysayanong tulomanon sa Brgy.13, sa lungsod sa Dapa kauban ang mga opisyales sa lalawigan ug mga nasudnong lideres.
